លោកជំទាវ មាស ច័ន្ទធីតា អញ្ជើញឧទ្ទេសអំពីវិស័យបរិស្ថានក្នុងសិក្ខាសាលានៅខេត្តស្ទឹងត្រែង
(ស្ទឹងត្រែង)៖ លោកជំទាវ មាស ច័ន្ទធីតា អនុរដ្ឋលេខាធិការ ក្រសួងបរិស្ថានបានអញ្ជើញជាវាគ្មិនកិត្តិយសឧទ្ទេសអំពីវិស័យបរិស្ថានជូនសិក្ខាកាមចំនួន ២៧៩នាក់ក្នុងសិក្ខាសាលាស្ដីពីក្រមសីលធម៌ វិជ្ជាជីវៈសារព័ត៌មាន វិស័យបរិស្ថាន និងផ្សព្វផ្សាយសមិទ្ធផលខេត្តស្ទឹងត្រែងនាព្រឹកថ្ងៃទី២៥ ខែមីនា ឆ្នាំ២០២៥ ស្ថិតនៅសាលប្រជុំរដ្ឋបាលខេត្តស្ទឹងត្រែង។
ក្នុងឱកាសអញ្ជើញវាគ្មិន លោកជំទាវអនុរដ្ឋលេខាធិការ បានធ្វេីបទបង្ហាញស្ដីពីយុទ្ធសាស្ត្រចក្រាវិសស័យបរិស្ថាន ដែលផ្ដោតលេីសសរស្ដម្ភសំខាន់ចំនួន ០៣នោះគឺភាពស្អាត ភាពបៃតង និងចីរភាពដែលជាយន្ដអាទិភាពរបស់ក្រសួងបរិស្ថានក្នុងយុទ្ធសាស្រ្ដបញ្ចកោណដំណាក់ទី១ នៃនីតិកាលទី៧ នៃរដ្ឋសភាកម្ពុជា។
ជាមួយគ្នានោះដែរ លោកជំទាវអនុរដ្ឋលេខាធិការបានលេីកទឹកចិត្ដឱ្យសិក្ខាកាមក៏ដូចជា រដ្ឋបាលខេត្ត មន្រ្ដី ឃុំ ស្រុក លោកគ្រូ អ្នកគ្រូ បន្ដជំរុញចលនាភាពក្រោមយុទ្ធនាការ កម្ពុជាស្អាត ខែ្មរធ្វើបាន និងចូលរួមឱ្យបានគ្រប់គ្នាលេីការការពារធម្មជាតិ និងចូលរួមអភិវឌ្ឍន៍ភាពបៃតងក្រោយយុទ្ធនាការពន្លកបៃតងផងដែរ។
